شفتها يا نواف صدفه بعد ما غابت سنين
عند قسم المختبر وسط مشفى الجامعه"
جيتها ثم قلت ممكن سؤالي تسمعين
ناظرت فيني بدهشه متواضعه
قالت انت تحسبني من البنات الصايعين
تحسبني في زماني عن طريقي ضايعه
قلت انا ماراح اطول كل ابوها كلمتين
وابعدت عني شوي ثم جتني راجعه
قالت اسأل واضح انك من رجال طيبين
بس كلامك يا سنافي كان وشهو دافعه
قلت انا حبيت وحده يوم كنا صغيرين
ومن ثمان سنين راحت للمواصل قاطعه
عقبها ماذقت نوم يهتني به النايمين
ساهرن في طول ليلي لين شمسي طالعه
اذكر انه فيه حبه فوق ثغره من يمين
واذكر انه لا جرينا كل شعره تابعه
واذكر انه عاشق فالورد الياسمين
صار قلبي بالورود اللي عشقها زارعه
طابع اسمع في قلبي فيه سين وفيه عين
وفيه الف وفيه دال وصط قلبي طابعه
قاطعتني بقولها سبحانرب العالمين
كررتها مره ومرتين ورابعه
قلت شفيج وش بلاج يا بنيه ترجفين
ليش عينك يا بنيه من كلامي دامعه
قالت الموقف وقلبي و المحبه والحنين
كيف اشوفك بعد ما كنت عنك قانعه
قلت انا بسألك ان كانك انتي تذكرين
عن مواثيق ثمنها من حياتي دافعه
قالت ظروف الزمان ما تطيع العاشقين
بيعوني غصب حبك لو ماني بايعه
انا في دنياي حالي كنها حال السجين
حتى لو فكوا سراحه فيه شي مانعه
زوجوني غصب واحد وحرموني حاجتين
السعاده في زماني والحياة الرائعه
والحين انا ام لثلاثه عندي ريم وياسمين
والولد اسمه على اسمك والمشاعر جايعه
[/size][/i][/b][/size][/i][/b]
