يمه الغربه وفرقاك ملتمه
دمعة العين هذي مالها داعي
يابعد راسي انتي ليه مهتمه
الوجع لي سواة الناي للراعي
آخر اخباري الذمه هي الذمه
والوصايا هذيك تقدي شراعي
مابها ألا السواد يحاود اليمه
ولابه ألا البياض اللي ورا اظلاعي
يوم كلن فزعله خاله وعمه
يكفي اني وردت العد بذراعي
ارفع الراس بين الروس ماهمه
واتباهى وانا الغرقان بأوجاعي
يمه الحر طبعه يعشق القمه
وانتي اللي فطمتيني على اطباعي
الهوى دام راسي حي ويشمه
والله اني لسوق هناك ذعذاعي
غربة تلوي ذراع اشجع الخمه
لاتخافينها لو تقلب اوظاعي
يمكن تبعثر الرجال وتلمه
بس بدري عليها تلوي ذراعي..
↓↓↓↓↓↓↓↓ ↓↓↓↓↓
